Genesis 47:29 — Compare Translations

Ewe (Agbenya La) 2020

Esi Israel ƒe kuɣi gogo la, eyɔ via Yosef gblɔ nɛ be, “Ka atam nam be yeawɔ nye didi mamlɛtɔ dzi nam: Mègaɖim ɖe Egipte o.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Esi Israel kpɔ be, yeƒe kuɣi le ɖoɖom la, ena woyɔ via Yosef vɛ, eye wògblɔ nɛ bena: Ne mele vevie na wò la, ekema tsɔ wò asi ɖo nye ali me, eye nave nunye, aɖi anukware nam bena, màɖim ɖe Egipte o;

Ewe 2014 (EƲEGBE BIBLIA)

Esi Israel ƒe kuɣi ɖo la, ena woyɔ via Yosef vɛ, eye wògblɔ nɛ be: “Taflatsɛ, ne nye nya dze ŋuwò la, tsɔ asi de nye atame, eye nàdo ŋugbe be yeawɔ nuteƒe, ato nyateƒe nam. Mègaɖim ɖe Egipte-nyigba dzi gbeɖe o.