Hosea 9:10 — Compare Translations

Ewe (Agbenya La) 2020

“Esi medo go Israel la, enɔ nam abe waintsetse le gbegbe ene; esi medo go wo fofowo la, enɔ nam abe gbotsetse gbãtɔ le gboti dzi ene. Ke esi wova Baal Peor gbɔ la, wotsɔ wo ɖokuiwo na ŋukpenalegba la eye woɖi gbɔ̃ abe legba si ŋu woku ɖo la ene.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Mefɔ Israel le gbegbe abe weintsetse ene, eye mekpɔ mia fofowo abe gbotsetse ŋgɔgbea ene; ke esi wova Baal-Peor la, wotsɔ wo ɖokui na ŋukpenamawu la, eye wozu ŋunyɔnu, abe nusi ŋu woku ɖo la ke ene.

Ewe 2014 (EƲEGBE BIBLIA)

Mefɔ Israel-dukɔ la, abe ale si wofɔa wainka tsetse le gbedadaƒo ene. Mekpɔ mia tɔgbuiwo, abe ale si wokpɔa gbotsetse gbãtɔ le gboti dzi le nuŋeɣi ene. Ke esi wova Baal Peor la, wokɔ wo ɖokui ŋu na Baal, eye wova zu ŋunyɔnu abe nu si wolɔ̃ la ene.