Jeremiah 2:24 — Compare Translations

Ewe (Agbenya La) 2020

Èle abe gbetedzi si nyagbegbe nyuie hele ya ʋẽm kple eƒe ŋɔti le eƒe fieŋufieŋu me la ene. Ne asiyɔyɔ le edzrom la, ame ka ate ŋu axe mɔ nɛ? Mehiã gɔ̃ hã be atsu siwo le eyome tim la nakplɔe ɖo ɖeɖi nate wo ŋuti o elabena ne eɖo asiyɔyɔ dzi la, woake ɖe eŋu bɔbɔe.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Gbetedzinɔ, si gbegbe ma, eye wòle gbɔgbɔm fuxefuxe ɖe eƒe luʋɔ ƒe nudzodzro ŋuti la, ameka ate ŋu axe mɔ na eƒe asiyɔyɔ? Amesiwo katã be, yewoadii la, womadze agbagbaa ɖeke o, ne eƒe dzinu nya ɖo dzi ko la, woakpɔe.

Ewe 2014 (EƲEGBE BIBLIA)

Èle abe gbetedzinɔ si gbedadaƒo nɔnɔ ma, eye wòle edzrom vevie be woayɔ asii la ene. Ame ka ate ŋu axe mɔ na eƒe dzodzro sesẽ la be womagayɔ asii o? Atsu siwo le edim la ƒe ɖeke maɖe fu na eɖokui o. Ne eƒe dzinu nya ɖo edzi ko la, woakpɔe.