Jeremiah 29:32 — Compare Translations

Ewe (Agbenya La) 2020

ale Yehowa gblɔe nye esi: Mahe to na Semaya, Nehelamitɔ kple eƒe dzidzimeviwo katã, eƒe ƒometɔ aɖeke masusɔ ɖe eƒe amewo dome alo akpɔ nu nyui si mawɔ na nye dukɔ la o, elabena egblɔ nya be woadze aglã ɖe ŋutinye.’ ” Yehowae gblɔe.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

eyata ale Yehowa gblɔ esi: Kpɔ ɖa, mahe to na Semaya, Nexelamitɔ la, kple eƒe ƒome; amea ɖeke makpɔtɔ nɛ, si anɔ dukɔ sia dome o, eye makpɔ nyuie, si mawɔ na nye dukɔ la o, Yehowa ye gblɔe; elabena egblɔ aglãdzenya ɖe Yehowa ŋu.

Ewe 2014 (EƲEGBE BIBLIA)

eya ta Aƒetɔ be: Kpɔ ɖa, mahe to na Semaya, Nexelamitɔ la kple eƒe dzidzimeviwo. Eƒe dzidzimevi aɖeke masusɔ nɛ anɔ dukɔ sia me, akpɔ nyui si wɔ ge mala na nye dukɔ la o; Aƒetɔ lae gblɔe. Elabe egblɔ aglãdzenya ɖe Aƒetɔ ŋu.’ ”