Jeremiah 36:32 — Compare Translations

Ewe (Agbenya La) 2020

Ale Yeremia tsɔ lãgbalẽ bubu na Neria ƒe vi, Baruk, agbalẽŋlɔla la, eye esi Yeremia le nyawo gblɔm la, Baruk ŋlɔ nya siwo katã Yuda fia, Yehoyakim tɔ dzoe le gbãtɔ dzi la ɖe edzi. Wotsɔ nya siwo le abe gbãtɔ ene la kpe ɖe nyawo ŋuti.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye Yeremya tsɔ agbalẽ bubu na agbalẽŋlɔla Barux, Neriya vi, eye wòŋlɔ agbalẽ kemea, si Yuda-fia Yoyakim tɔ dzoe la me nyawo katã tso Yeremya nu ɖe eme, eye wogakpe nya mawo tɔgbe geɖe ɖe eŋu.

Ewe 2014 (EƲEGBE BIBLIA)

Ale Yeremya gatsɔ agbalẽ bubu na agbalẽŋlɔla Barux, Neriya vi, eye wògaŋlɔ nya siwo katã Yeremya gblɔ nɛ wòŋlɔ ɖe agbalẽ si fia Yehoyakim tɔ dzoe la ɖe eme. Egagblɔ nya mawo tɔgbe geɖe kpe ɖe wo ŋu, wòŋlɔ.