Jeremiah 38:4 — Compare Translations

Ewe (Agbenya La) 2020

Tete dumegãwo gblɔ na fia la be, “Ŋutsu sia dze na ku. Ele dzi ɖem le ƒo na aʋakɔ la kple ame siwo susɔ ɖe du sia me to nya siwo gblɔm wòle na wo me. Ŋutsu sia mele woƒe nyui dim o, negbe woƒe gbegblẽ.”

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Tete amegãwo gblɔ na fia la bena: Woawu ŋutsu sia, elabena ele alɔgblɔlɔ dom aʋawɔla, siwo kpɔtɔ ɖe du sia me kple dukɔ blibo la, esi wòle nya siawo tɔgbe gblɔm na wo la; elabena ŋutsu sia mele dukɔ la ƒe nyui dim o, negbe woƒe dzɔgbevɔ̃e ko.

Ewe 2014 (EƲEGBE BIBLIA)

Tete amegãwo gblɔ na fia la be: “Na woawu ŋutsu sia elabe nya siwo gblɔm wòle la le dzi ɖem le aʋawɔla siwo susɔ ɖe dua me kple dukɔ bliboa me la ƒo. Ŋutsu sia mele dukɔa ƒe nyui dim o; eƒe vɔ̃e ko dim wòle.”