Jeremiah 44:17 — Compare Translations

Ewe (Agbenya La) 2020

Ke boŋ míawɔ nu sia nu si míegblɔ be míawɔ, míado dzudzɔʋeʋĩ na Dziƒofianyɔnu, eye míaƒo aha ɖi nɛ abe ale si ko mía fofowo, míaƒe fiawo kple dumegãwo wɔe le Yuda duwo kple Yerusalem kpɔdomewo ene. Le ɣe ma ɣi la, nuɖuɖu geɖe nɔ mía si, agbe hã dze dzi na mí nyuie eye míekpe hiã aɖeke o.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

ke boŋ miawɔ ɖe nya sia nya, si do tso mía nu la nu, míado dzudzɔ na dziƒo fianyɔnu, eye miaƒo tsi ɖe anyi nɛ, abe alesi mia kple mía fofowo, míaƒe fiawo kple míaƒe amegãwo míenɔa wɔwɔm le Yuda-duwo kple Yerusalem-kpɔdomeewo, eye míekpɔa nu ɖuna ɖia ƒo, eme nyona na mí, eye míekpɔa dzɔgbevɔ̃ea ɖeke kple ŋku o la ene.

Ewe 2014 (EƲEGBE BIBLIA)

Ke míawɔ nu sia nu si míeɖe adzɔgbe be míawɔ la. Míatɔ dzo lifi na dziƒofianyɔnu la, eye míaƒo tsi ɖi nɛ. Míawɔe abe ale si mía kple mía tɔgbuiwo siaa, míaƒe fiawo kple míaƒe amegãwo míewɔnɛ le Yuda-duwo me kple le ablɔwo me le Yerusalem ene. Elabe ɣe ma ɣi la, míekpɔa nu ɖuna ɖia ƒo, agbenɔnɔ dze edzi na mí, eye dzɔgbevɔ̃e medzɔna ɖe mía dzi o.