Jeremiah 50:29 — Compare Translations

Ewe (Agbenya La) 2020

“Miyɔ aŋutrɔdalawo vɛ, ne woaɖe to ɖe Babilonia, ame siwo katã hea da me la neva. Miva ɖe to ɖee godoo va kpe, migana ame aɖeke nasi o. Mixe nu siwo katã wòwɔ la ƒe fe nɛ, miwɔe nɛ abe ale si eya hã wɔe na ame bubuwo ene. Elabena edze aglã ɖe Yehowa, Israel ƒe Kɔkɔetɔ la ŋu.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Miyɔ aŋutrɔdalawo ɖe Babel ŋu! Mi amesiwo katã hea da me, miɖe to ɖee godoo va kpe, amea ɖeke megakpɔtɔ o! Miɖo eƒe nuwɔna teƒe nɛ, miwɔ nɛ pɛpɛpɛ, abe alesi wòwɔ ene, elabena Yehowa, Israel ƒe kɔkɔetɔ la ŋu wòwɔ nu tovo ɖo.

Ewe 2014 (EƲEGBE BIBLIA)

“Miyɔ aŋutrɔdalawo vɛ ɖe Babilon ŋu. Mi ame siwo katã bí le dati ŋudɔwɔwɔ me ko, miyi. Miɖe to ɖee godoo; migana ame aɖeke nasí o. Miɖo nu siwo wòwɔ la teƒe nɛ. Miwɔe nɛ tututu abe ale si eya hã wɔe ene; elabe Aƒetɔ, Israel ƒe Mawu Kɔkɔe la ŋu wòle dàdam le hewɔ nu tovo ɖo.