Joel 2:20 — Compare Translations

Ewe (Agbenya La) 2020

“Maɖe asrafo siwo tso dzigbeme la ɖa le mia gbɔ, matrɔ wo aɖo ɖe kuɖiɖinyigba kple gbegbe. Matsɔ ŋgɔgbenɔlawo ade ɣedzeƒeƒu la me eye matsɔ megbenɔlawo ade ɣetoɖoƒeƒu la me. Ale woƒe ʋeʋẽ kũu la axɔ anyigba la dzi.” Vavã, Yehowa wɔ nukunu triakɔ aɖe.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Maɖe anyiehetɔ la ɖa le mia ŋu, ahanyãe aɖo ɖe kuɖinyigba dzi kple gbegbe, atrɔ ta ade ɣedzeƒeƒu, eye wòatrɔ agɔmegbɔ ade ɣetoɖoƒeƒu, eye wòaƒaƒã anɔ ʋeʋẽm, elabena ewo nu eteƒe mekɔ o.

Ewe 2014 (EƲEGBE BIBLIA)

Maɖe ʋetsuvi ƒe aʋakɔ si tso dzigbeme va la ɖa; manyàe ɖo ɖe kuɖiɖinyigba dzi kple gbegbe. Manyà ŋgɔgbetɔwo ɖo ɖe Dzeƒu nu, eye mana megbetɔwo naɖo ta Domeƒu nu. Mana woaƒaƒã anɔ ʋeʋẽm le nu si wowɔ mi la ta.