John 19:23 — Compare Translations

Ewe (Agbenya La) 2020

Esi asrafoawo klã Yesu ɖe atia ŋu la, woma eƒe awuwo ɖe akpa ene me, eye woxɔe ɖekaɖekae, ke womema awutewui la ya o. Awu sia nye awu ʋlaya si wometɔ o, ke boŋ ɖe wolɔ̃e bliboe tso dzi va anyi.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Azɔ esi asrafoawo klã Yesu ɖe ati ŋuti vɔ la, wotsɔ eƒe awuwo, eye womã wo ɖe akpa ene me, asrafo ɖeka xɔ ɖeka, kple awu ʋlaya la hã; ke awu ʋlaya la le matɔmatɔ, wolɔ̃e blibo tso tagbɔ vaseɖe egɔme.

Ewe 2014 (EƲEGBE BIBLIA)

Esi asrafoawo klã Yesu ɖe ati ŋu vɔ la, woɖe eƒe awuwo hema ɖe akpa ene me eye asrafoawo dometɔ ɖe sia ɖe xɔ ɖeka. Woɖe eƒe awutewui ʋlaya la hã. Wometɔ awu sia o, ɖeko wolɔ̃e ɖekae tso tagbɔ va se ɖe egɔme.

Ewe BEV (Agbenya La) 2006

Esi asrafoawo klã Yesu ɖe atia ŋu la, woma eƒe awuwo ɖe akpa ene me, eye woxɔe ɖekaɖekae, ke awutewui la ya la, womemae o. Awu sia nye awuʋlaya si wometɔ o, ke boŋ ɖe wolɔ̃e bliboe tso dzi va anyi.