Joshua 10:11 — Compare Translations

Ewe (Agbenya La) 2020

Esi futɔwo nɔ sisim tso toawo dzi henɔ abu ɖim la, Yehowa na kpewo ge tso dziƒo va dze wo dzi hetsrɔ̃ wo le mɔa dzi va se ɖe keke Azeka ke. Ame siwo kpe siawo wu la sɔ gbɔ wu ame siwo Israelviwo wu kple yi.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Esi wosi le Israel nu hele Bet-Xoron-to ƒe abu ɖim la, Yehowa hlẽ kpe gãwo ɖe wo dzi tso dziƒo vaseɖe Aseka, eye woku; amesiwo kpetsiawo wu la sɔ gbɔ wu esiwo Israel-viwo wu kple yi.

Ewe 2014 (EƲEGBE BIBLIA)

Esi wonɔ sisím le Israel nu tso Bet-Xoron nɔ abu ɖim yina la, Aƒetɔ na kpe gãwo nɔ dzadzam tso dziƒo abe tsi ene henɔ wo ƒom va se ɖe keke Azeka ke hewu wo fũu ŋutɔ. Ame siwo tsi kpeawo nu la sɔ gbɔ wu esiwo tsi Israelviwo ƒe yi nu.