Joshua 23:13 — Compare Translations

Ewe (Agbenya La) 2020

ekema minyae nyuie be, Yehowa maganya dukɔ mawo ɖa le miaƒe anyigba dzi o, ke boŋ azu mɔ si wotre na mi, ana miase veve le miaƒe axadame, wòazu ŋu anɔ ŋku tɔm na mi, eye miatsrɔ̃ le anyigba si Yehowa, miaƒe Mawu la na mi la dzi.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

ekema minyae bena, Yehowa, mia Mawu la, maganyã dukɔ siawo ɖa le mia ŋgɔ akpɔ o, eye woatrɔ zu adoboli kple mɔ na mi, woanye atam anɔ miaƒe axada me, eye woanye gu anɔ ŋku dzi na mi, vaseɖe esime miatsrɔ̃ avɔ keŋkeŋ le anyigba nyui, si Yehowa, mia Mawu, na mi la dzi.

Ewe 2014 (EƲEGBE BIBLIA)

ekema evɔ na mi. Minya nyuie be Aƒetɔ, mia Mawu la, maganyà dukɔ siawo ɖa le mia ŋgɔ azɔ o. Woazu mɔ̀ tetre ƒomevi vovovowo anɔ mia dome; woanɔ abe ameƒotie wotsɔ le axadame ƒom na mi alo ŋue ge ɖe ŋkume na mi ene. Anɔ alea va se ɖe esime miatsrɔ̃ keŋkeŋ le anyigba sia, si Aƒetɔ, Mawu la na mi la dzi.