Joshua 4:10 — Compare Translations

Ewe (Agbenya La) 2020

Nunɔla siwo kɔ nubablaɖaka la, tsi tsitre ɖe tɔsisi la titina va se ɖe esime wowɔ ɖe ɖoɖo siwo katã Yehowa gblɔ na Yosua to Mose dzi la dzi. Ameawo ɖe abla zɔ tɔʋu ƒuƒui la me.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye nunɔla, siwo tsɔ aɖaka la, tɔ ɖe Yordan titina, vaseɖe esime wowɔ nusiwo katã Yehowa de se na Yosua be, wòagblɔ na dukɔ la vɔ, abe alesi Mose de se na Yosua ene; eye dukɔ la di go afɔ tsɔtsɔe ɖe tɔa godo.

Ewe 2014 (EƲEGBE BIBLIA)

Nunɔlaawo tsi tsitre ɖe Yordan-tɔgoa titina ʋuu va se ɖe esime wowɔ nu siwo katã Aƒetɔ gblɔ na Yosua be woawɔ la vɔ. Nu siawoe Mose ɖo na Yosua be wonewɔ. Dukɔ la zɔ kabakaba ɖo tɔa godo.