Joshua 4:8 — Compare Translations

Ewe (Agbenya La) 2020

Israelviwo wɔ abe ale si Yosua ɖo na wo ene pɛpɛpɛ. Wokɔ kpe wuieveawo tso Yɔdan tɔsisi la titina, kpe ɖeka ɖe to ɖeka ɖe sia ɖe nu, abe ale si Yehowa ɖo na Yosua ene tututu. Wokɔ kpeawo yi afi si woƒu asaɖa anyi ɖo le zã ma me hewɔ ŋkuɖodzikpe aɖe ɖe afi ma.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye Israel-viwo wɔ, abe alesi Yosua de se na wo ene; wode kpe wuieve le Yordan titina ɖe Israel-viwo ƒe toawo ƒe xexlẽme nu, abe alesi Yehowa gblɔ na Yosua ene, eye wotsɔ wo va ɖa ɖe afisi wodro ɖo.

Ewe 2014 (EƲEGBE BIBLIA)

Ale ŋutsuawo wɔ nu siwo Yosua gblɔ na wo be woawɔ la. Woɖe kpe wui eveawo tso Yordan titina vɛ, ɖe Israel toawo ƒe xexlẽme nu, abe ale si Aƒetɔ gblɔ na Yosua ene, wotsɔ wo va da ɖe afi si wodro ɖo la.