Joshua 5:6 — Compare Translations

Ewe (Agbenya La) 2020

Israel dukɔ la tsa tsaglalã le gbedzi ƒe blaene sɔŋ va se ɖe esime ŋutsu siwo katã tsi, eye woate ŋu ade aʋa esi wodzo le Egipte la ku. Womeɖo to Yehowa o, eya ta Yehowa ka atam be yemana woade anyigba si ŋugbe yedo na Israel, “Anyigba si dzi notsi kple anyitsi bɔ ɖo” la dzi o.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Elabena ƒe blane sɔŋ Israel-viwo zɔ gbedzi, vaseɖe esime aʋawɔla, siwo le dukɔ blibo la dome la ku, elabena womeɖo to Yehowa ƒe gbe o, eye Yehowa ka atam na wo bena, womakpɔ anyigba, si ŋu Yehowa ka atam ɖo na wo fofowo be, yeatsɔ na mí, anyigba, si dzi notsi kple anyitsi bɔ ɖo la o.

Ewe 2014 (EƲEGBE BIBLIA)

Elabe Israelviwo zɔ mɔ le gbedadaƒo ƒe bla ene sɔŋ va se ɖe esime dukɔa katã, ŋutsu aʋawɔla siwo ʋu tso Egipte la, ku; elabe womeɖo to Aƒetɔ ƒe gbe o. Woawoe Aƒetɔ ka atam na be yemana woade anyigba si ŋu Aƒetɔ ka atam ɖo na wo tɔgbuiwo be yeatsɔ na mí la dzi o, anyigba si dzi yɔ fũu kple notsi kpakple anyitsi la.