Judges 20:31 — Compare Translations

Ewe (Agbenya La) 2020

Esi Benyamin ƒe to la do go le dua me be yewoakpe aʋa kpli wo la, Israelviwo si yi megbe, Benyamin ƒe to la dze wo yome, ale wogblẽ Gibea ɖe megbe. Abe ale si wowɔ tsã ene la, Benyamin ƒe to la de asi Israelviwo wuwu me le mɔ si le Betel kple Gibea dome la dzi; ale wowu Israelvi blaetɔ̃.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Tete Benyamin-viwo ɖo va kpe aʋakɔ la; ke woble wo tso ɖu la gbɔ, eye wode asi amewo wuwu me le dukɔ la dome abe tsã ene le mɔ, si ɖo ta Betel, kple esi to gbedzi ɖo ta Gibea la nu, woanɔ Israeltɔ blaetɔ̃.

Ewe 2014 (EƲEGBE BIBLIA)

Tete Benyamin viwo do va kpe aʋakɔ la. Ke woble wo tso du la gbɔ, eye abe tsã ene la, wode asi amewo wuwu me le mɔ gãwo dzi le mɔ si ɖo ta Betel kple bubu si ɖo ta Gibea kple esi to gbedzi la dzi. Wowu Israeltɔwo abe bla etɔ̃ ene.