Leviticus 10:6 — Compare Translations

Ewe (Agbenya La) 2020

Mose gblɔ na Aron kple Via ŋutsu eve, Eleaza kple Itamar be, “Migafa ame kukuawo o, eye migagblẽ miaƒe ɖa ɖi mavumavui abe konyifafa ƒe dzesi ene o; migadze miaƒe awuwo hã o. Ne miewɔ nu siawo la, eƒe dziku abi ɖe Israel dukɔ blibo la ŋu. Ke Israelvi bubuawo ya ate ŋu afa avi na Nadab kple Abihu le dzo dziŋɔ si Yehowa ɖo ɖa la ta.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye Mose gblɔ na Aron kple viaŋutsuawo Eleazar kple Itamar bena: Migakaka miaƒe ɖawo ɖe ta o, eye migadze miaƒe awuwo o, ne miagaku, eye wòado dɔmedzoe ɖe ha blibo la ŋu o. Ke mia nɔviwo, Israel ƒe aƒe blibo la, nafa dzo, si Yehowa tɔ nu la.

Ewe 2014 (EƲEGBE BIBLIA)

Mose gblɔ na Aron kple viawo Eleazar kple Itamar be: “Migagblẽ ɖa ɖe ta ʋlayaa o. Migadze miaƒe awuwo o. Ne menye nenema o la, miaku, eye dɔmedzoe abi ɖe ameha blibo la katã ŋu. Ke mia nɔviwo, Israel-dukɔ blibo la ya ate ŋu afa avi le dzo, si Aƒetɔ tɔ la ta faa.