Malachi 2:15 — Compare Translations

Ewe (Agbenya La) 2020

Yehowae bla mi kple mia srɔ̃wo ɖekae, le Mawu ƒe nunya ƒe ɖoɖo nu, esi mieɖe mia nɔewo la, mi ame eve la miezu ŋutilã ɖeka le eƒe ŋkume eye nu ka wòdi tso mia si be miawɔ? Mawu di vi ɖotowo tso miaƒe srɔ̃ɖeɖe la me eya ta milé be na mia ɖokui, miaɖu miaƒe fieŋufieŋuwo dzi! Miku ɖe miaƒe ɖekakpuimesrɔ̃ siwo mieɖe la ŋu eye miato nyateƒe na wo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ɖe menye ame ɖekae wɔ mi, eye wole míaƒe agbe ɖe le oa? Nuka dim ame ɖeka la le? Mawu ƒe ƒome dim wole. Eyata mikpɔ miaƒe gbɔgbɔ dzi, eye megawɔ nu tovo ɖe wò ɖekakpuimesrɔ̃ ŋu o.

Ewe 2014 (EƲEGBE BIBLIA)

Menye ŋutilã ɖeka kple gbɔgbɔ ɖekae Mawu wɔ na mí oa? Nu ka dim wòle? Mawu me viwo. Eya ta mikpɔ mia ɖokui dzi ale be mia dometɔ ɖe sia ɖe nawɔ nuteƒe na eƒe ɖekakpuimesrɔ̃.