Malachi 3:16 — Compare Translations

Ewe (Agbenya La) 2020

“Ke ame siwo vɔ̃ Yehowa, eye wolɔ̃e la ƒo nu nyui tso eŋuti na wo nɔewo eye Mawu ɖo to eye wòsee. Ena woŋlɔ ame siwo vɔ̃e, eye wolɔ̃e la ƒe ŋkɔwo ɖe ŋkuɖodzigbalẽ gã aɖe me da ɖi.”

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ale Yehowa-vɔ̃lawo gblɔ le wo nɔeawo dome enye si; Yehowa ɖo to see, eye wòŋlɔ ŋkuɖodzigbalẽ le eŋku me na Yehowa-vɔ̃lawo kple amesiwo léa ŋku ɖe eƒe ŋkɔ ŋu la.

Ewe 2014 (EƲEGBE BIBLIA)

Azɔ la, ame siwo vɔ̃a Aƒetɔ la ɖo dze kple wo nɔewo, eye Aƒetɔ ɖo to, se woƒe nyawo. Woŋlɔ ame siwo vɔ̃a Aƒetɔ, eye wotsɔa bubu nɛ la ƒe ŋkɔwo ɖe agbalẽ me le Aƒetɔ ŋkume bene woatsɔ anɔ ŋku ɖom wo dzii.