Matthew 14:19 — Compare Translations

Ewe (Agbenya La) 2020

Azɔ ebia tso ameha la si be woanɔ anyi ɖe gbea dzi. Ale wòtsɔ abolo atɔ̃ kple tɔmelã eve la, eye wòwu mo dzi hedo gbe ɖa ɖe wo dzi. Emegbe la, eŋe wo me tsɔ na nusrɔ̃lawo be woama na ameawo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye wòɖo bena, amehawo nabɔbɔ nɔ gbea dzi; eye esi wòtsɔ abolo atɔ̃ la kple lã eveawo la, ekpɔ dziƒo, eye wòyra ɖe wo dzi, eye esi wòŋe wo me la, etsɔ wo na eƒe nusrɔ̃lawo, eye nusrɔ̃lawo tsɔ wo na amehaawo.

Ewe 2014 (EƲEGBE BIBLIA)

Ebia tso ameawo si be woanɔ anyi ɖe gbe dzi le afi ma hena nuɖuɖu. Tete wòxɔ abolo atɔ̃ kple kalãmi eveawo, eye esi wòwu mo dzi kpɔ dziƒo la, eyra ɖe wo dzi. Emegbe la, eka aboloawo me tsɔ na eƒe nusrɔ̃lawo, eye woawo mae na ameawo.

Ewe BEV (Agbenya La) 2006

Azɔ ebia tso ameha la si be woabɔbɔ nɔ anyi ɖe gbea dzi. Ale wòtsɔ abolo atɔ̃ kple tɔmelã evea, eye wòwu mo dzi hedo gbe ɖa ɖe edzi, emegbe eŋe wo me tsɔ na nusrɔ̃lawo bena woama na ameawo.