Matthew 20:8 — Compare Translations

Ewe (Agbenya La) 2020

“Azɔ esi fiẽ ɖo la, agbletɔ la yɔ eƒe gadzikpɔla be neva xe fe na dɔwɔlawo, eye wòadze egɔme tso ame siwo wòɖo ɖe agble la me mamlɛa la dzi.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ke esi fiẽsi ɖo la, weinbɔtɔ la gblɔ na eƒe xɔnuvi bena: Yɔ dɔwɔlawo vɛ, eye nana fetu wo, eye nadze egɔme atso mlɔetɔwo dzi vaseɖe gbãtɔwo dzi.

Ewe 2014 (EƲEGBE BIBLIA)

Esi fiẽsi ɖo la, agbletɔa gblɔ na eƒe agbledzikpɔla la be: ‘Yɔ dɔwɔlaawo eye nàxe fe na wo. Dze egɔme tso ame siwo va mamlɛa dzi va se ɖe ame siwo va gbã la dzi.’

Ewe BEV (Agbenya La) 2006

Azɔ esi dɔwɔlawo ɖi bo la, agbletɔa yɔ eƒe gadzikpɔla be neva xe fe na dɔwɔlawo eye wòadze egɔme tso ame siwo wòɖo ɖe agblea me mamlɛa la dzi.