Matthew 5:22 — Compare Translations

Ewe (Agbenya La) 2020

Ke nye la, mele egblɔm na mi be, ame si ado dɔmedzoe ɖe nɔvia ŋu la, woakplɔe ayi ʋɔnui. Nenema ke ame si agblɔ na nɔvia be, ‘Mènyo na naneke o’ la, woahee va Sanhedrin la ƒe ŋkume. Ke ne ame aɖe agblɔ be, ‘Èdzɔ lã!’ la, ayi dzomavɔʋe la me.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ke nye la mele egblɔm na mi bena: Amesiame, si le dɔmedzoe dom ɖe nɔvia ŋuti la, adze ʋɔnudɔdrɔ̃; eye amesi ke agblɔ na nɔvia bena takukutɔ la, adze daŋudede gã, eye amesi ke agblɔ bena lã la, adze dzomavɔʋemeyiyi.

Ewe 2014 (EƲEGBE BIBLIA)

Ke nye la, mele egblɔm na mi be: ame sia ame si do dɔmedzoe ɖe nɔvia ŋuti la, edze be woadrɔ̃ ʋɔnui. Ame si yɔ nɔvia be: ‘Takukutɔ’ la, edze be woahee ayi ʋɔnudrɔ̃lawo ŋkume, eye ame si ke ayɔ nɔvia be: ‘Lãtɔ’ la, edze na dzomavɔʋemeyiyi.

Ewe BEV (Agbenya La) 2006

Ke nye la mele egblɔm na mi be, ame si ado dɔmedzoe ɖe nɔvia ŋu la woakplɔe ayi ʋɔnui. Nenema ke ame si agblɔ na nɔvia be, ‘Mènyo na naneke o’ la, woahee va Sanhedrin la ƒe ŋkume. Ke ne ame aɖe agblɔ be, ‘Èdzɔ lã!’ la ayi dzo mavɔ ʋeme.