Matthew 6:16 — Compare Translations

Ewe (Agbenya La) 2020

“Ne mietsi nu dɔ la, migayɔ mo lilili abe ale si alakpanuwɔlawo wɔna ene o. Ame siawo yɔa mo lilili, be amewo nakpɔ be yewole nutsitsidɔ me. Mele egblɔm na mi nyateƒetɔe be ame siawo xɔ woƒe fetu blibo la xoxo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ke ne míetsi nu do la, migato mo sigbe alakpatɔwo ene o; elabena wogblẽa mo na wo ɖokui, bena amewo nadze si wo abe amesiwo tsia nu dona la ene. Vavã mele egblɔm na mi bena: Woxɔ woƒe fetu yii xoxo.

Ewe 2014 (EƲEGBE BIBLIA)

Yesu gagblɔ be: “Ne mietsi nu dɔ la, migayɔ mo sũu, abe ale si alakpatɔwo wɔna la ene o; elabe wogblẽa mo na wo ɖokui bene amewo nakpɔ adze sii be yewole nu tsim dɔ. Mele egblɔm na mi be woƒe fetue nye ema woxɔ xoxo.

Ewe BEV (Agbenya La) 2006

Ne mietsi nu dɔ la, migayɔ mo lilili abe ale si alakpanuwɔlawo wɔna ene o. Ame siawo yɔa mo lilili, be amewo nakpɔ be yewole nutsitsidɔ me. Mele egblɔm na mi nyateƒetɔe be ame siawo xɔ woƒe fetu blibo la xoxo.