Matthew 9:16 — Compare Translations

Ewe (Agbenya La) 2020

“Womate ŋu atsɔ avɔnuɖeɖi yeye aka avɔ vuvu o. Ne wowɔe alea la, avɔ yeye la aho ɖa le teƒea, eye teƒe si vuvu la akeke ɖe edzi wu.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye amea ɖeke metsɔa avɔ matakpɔ ƒe nuɖeɖi hekaa avɔ xoxo o, elabena nuɖeɖi, si wotso kae la, aho avɔ la ɖe eɖokui ŋu, eye eƒe vuvu la awu tsãtɔ.

Ewe 2014 (EƲEGBE BIBLIA)

Ame aɖeke metsɔa avɔ yeye ƒe nuɖeɖi kaa awu xoxo o, elabe ne ewɔe la, avɔnuɖeɖi la así, eye wòahe avɔ xoxo la ɖe eɖokui ŋu avuvui, ale be vuvu yeyea awu tsãtɔ.

Ewe BEV (Agbenya La) 2006

”Womate ŋu atsɔ avɔnuɖeɖi yeye aka avɔ vuvu o, ne wowɔe alea la, avɔ yeye la aho ɖa le teƒea eye teƒe si vuvu la akeke ɖe edzi wu.