Nehemiah 13:15 — Compare Translations

Ewe (Agbenya La) 2020

Le ɣe ma ɣiwo me la, mekpɔ amewo wonɔ wain fiam le Dzudzɔgbe la dzi, eye wonɔ ƒu ƒom woƒe lu bablawo kple wain tsetsewo kple gbotsetsewo kple agblemenu vovovowo nɔ agba dom na woƒe tedziwo, eye wotsɔ nu siawo katã gbɔna Yerusalem le Dzudzɔgbe la dzi, eya ta mede se na wo le nudzadzra le ŋkeke ma dzi la ŋuti.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Le ɣemaɣi mekpɔ be, amea ɖewo fiã wein le dzudzɔgbe le, wotsɔ lubablawo va aƒee, eye wotsɔ wein, weintsetse kple gbotitsetse kpakple agba vovovowo do agbae na tedziwo hetsɔ va Yerusalem le dzudzɔgbe la. Tete mexlɔ̃ nu wo le gbesigbe wole nuɖuɖuawo dzram.

Ewe 2014 (EƲEGBE BIBLIA)

Le ɣe ma ɣiwo me le Yuda la, mekpɔ amewo wonɔ wain fiãm le dzudzɔgbe, eye mekpɔ ame aɖewo hã wonɔ lubablawo tsɔm va aƒee. Nenema ke, wotsɔ waintsetse, gbotitsetse kple agbà ƒomevi vovovowo do agba na woƒe tedziwo hetsɔ va Yerusalem le dzudzɔgbe la. Tete megbe nya na wo gbe si gbe wole nuɖuɖuawo dzram la.