Nehemiah 13:19 — Compare Translations

Ewe (Agbenya La) 2020

Ale mede se be tso gbe ma gbe dzi la, ne ɣe ɖo to le Fiɖagbe ko la, woatu agboawo katã, eye womagaʋu wo o va se ɖe esime Dzudzɔgbe la nava yi. Meɖo nye subɔla aɖewo ɖa be woadzɔ agboawo ŋu, ale be ame aɖeke magatsɔ adzɔnu aɖeke ava Yerusalem le Dzudzɔgbe la dzi o.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Hafi dzudzɔgbe la naɖo la, mede se be, ne vɔvɔli nye ɖo Yerusalem-gbowo nu ko la, woaɖo agboawo, eye megblɔ be, womegaʋu wo o, vaseɖe esime dzudzɔgbe la nu nayi hafi. Eye meɖe amewo tso nye ɖekakpuiwo dome ɖo agboawo nu, be womagatsɔ agboa ɖeke vɛ le dzudzɔgbe la o.

Ewe 2014 (EƲEGBE BIBLIA)

Tso ɣe ma ɣi dzi la, mede se be ne ɣe nyaɖo to le Yerusalem-gbowo nu, eye wòsusɔ vie dzudzɔgbe nadze egɔme ko la, woado agboawo, eye ame aɖeke nagaʋu wo o, va se ɖe esime dzudzɔgbe la nava yi. Meɖe amewo tso nye subɔlawo dome ɖo agboawo nu hã be womegalɔ̃ ne ame aɖeke natsɔ agba va dua me le dzudzɔgbe o.