Nehemiah 5:18 — Compare Translations

Ewe (Agbenya La) 2020

Nu siwo mehiãna gbe sia gbe la woe nye nyitsu ɖeka, alẽ dami ade kple koklo geɖewo, eye le ŋkeke ewo ɖe sia ɖe me la, mehiãa wain lita geɖe. Ke nyemeda nudzɔdzɔ tɔxɛ ɖe ameawo dzi o, elabena nuwo nɔ sesẽm na wo xoxo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Nusiwo woɖana gbesiagbe la, wonye: nyitsu ɖeka, alẽ tiatia aɖe kple xewo; nusiawo woɖana ɖe nye ŋutɔ nye akɔta dzi; hekpe ɖe wein vovovowo ŋu fu ɖe ŋkeke ewo nu; to egbɔ hã nyemebia anyigba dzikpɔnu o, elabena ɖɔ la nu se na dukɔ la.

Ewe 2014 (EƲEGBE BIBLIA)

Eya ta nu siwo woɖana le nye aƒeme le ŋkeke ɖeka dzie nye: nyitsu ɖeka, alẽ siwo da ami wu bubuawo katã la dometɔ ade, koklowo kple aƒemexe bubuwo fũu. Le ŋkeke ewo sia ŋkeke ewo megbe la, medzea aha zã dana ɖi. To esiawo katã gbɔ hã, nyemena dukɔa xea mɔ́mefiadzikpɔga si wòle be wòanɔ xexem nam la o, elabe mekpɔe be agba te ɖe ameawo dzi akpa.