Nehemiah 8:3 — Compare Translations

Ewe (Agbenya La) 2020

Exlẽe na wo kple ɣli tso agudzedze va se ɖe esime ɣe ɖo to. Edze ŋgɔ ablɔ si le Tsigbo la ŋgɔ le ŋutsuwo kple nyɔnuwo kple ame siwo katã ate ŋu ase nu gɔme la ŋkume. Ameawo katã wonɔ to dzi esime wònɔ Segbalẽ la xlẽm.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye wòxlẽe le dogba dzi le tsigbo la nu le ŋutsuwo kple nyɔnuwo kpakple amesiwo ate ŋu ase egɔme la ŋku me tso ŋdi kanya, vaseɖe esime ɣe ɖo ta, eye dukɔ blibo la ƒe to le te ɖe segbalẽ la ŋu.

Ewe 2014 (EƲEGBE BIBLIA)

Ezra xlẽ Se la na wo le gbadzaƒe ma le Tsigboa ŋgɔ tso ŋdi kanya va se ɖe ŋdɔ me le ŋutsuwo kple nyɔnuwo kpakple ame siwo ate ŋu se egɔme ko ŋkume. Dukɔ blibo la ƒe to le te ɖe segbalẽa ŋu.