Numbers 19:13 — Compare Translations

Ewe (Agbenya La) 2020

Ame sia ame si aka asi ame kuku aɖe ŋu, eye mekɔ eɖokui ŋu le mɔ sia dzi o la gblẽ kɔ ɖo na Yehowa ƒe agbadɔ la, eye woaɖee ɖa le Israelviwo dome. Womehlẽ tsi kɔkɔe la ɖe eŋu o, eya ta makɔmakɔnyenye la gale eŋu ko.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ne amea ɖe ɖe asi ame kuku ŋu, eye meɖe nuvɔ̃ ɖa le eɖokui ŋu o la, ekema edo ŋunyɔ Yehowa ƒe nɔƒe la; ele be, woatsrɔ̃ ame sia ɖa le Israel, elabena womewu ameŋukɔtsi la ɖe eŋu o, eyata eŋu mekɔ o, eye eya ŋutɔ de busu eɖokui ŋu.

Ewe 2014 (EƲEGBE BIBLIA)

Ne ame aɖe ka asi ame kuku ŋu, eye mekɔ eɖokui ŋu o la, ede busu eɖokui ŋu eye eŋu mekɔ o, elabe womewú ameŋukɔtsi ɖe eŋu o. Ame sia do gu Aƒetɔ ƒe nɔƒe la eya ta ele be woaɖee ɖa le Israelviwo dome.”