Philippians 4:15 — Compare Translations

Ewe (Agbenya La) 2020

Gawu la, abe ale si mi Filipitɔwo mienya ene be esi miese nyanyui la zi gbãtɔ esi tso Makedonia la, hame bubu aɖeke menye nye hadɔwɔlawo le nunana kple nuxɔxɔ me o, negbe miawo ko.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ke, mi Filipitɔwo hã, mienyae bena, le nyanyuie la ƒe gɔmedzedzea me, esi medzo le Makedonia la, hamea ɖeke mekpe de ŋunye le nunana kple nuxɔxɔ ƒe akɔnta gome o, negbe miawo ɖeɖekoe,

Ewe 2014 (EƲEGBE BIBLIA)

Mi Filipitɔwo, miawo ŋutɔ mienya be tso esime míede asi gbeƒãɖeɖe Nyanyui la me, eye medzo le Makedonia ko la, miawo koe nye hame si le kpekpem ɖe ŋunye, le nu namem.

Ewe BEV (Agbenya La) 2006

Abe ale si mienya nyuie ene la, esi meva gblɔ nyanyui la na mi zi gbãtɔ eye meyi nye mɔzɔzɔ dzi tso Makedonia la, mi Filipitɔwo koe zu nye hadɔwɔlawo le nunana kple nuxɔxɔ me. Hame bubu aɖeke mewɔ esia o.