Revelation 11:6 — Compare Translations

Ewe (Agbenya La) 2020

Ŋutsu siawo la, ŋusẽ le wo si be woatu dziŋgɔli, ale be tsi magadza le ɣeyiɣi si me wole nya gblɔm ɖi la o; ŋusẽ le wo si be woatrɔ tsiwo woazu ʋu, eye woada dɔvɔ̃ ƒomevi vovovowo ɖe anyigba dzi zi ale si wolɔ̃.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ŋusẽ le amesiawo si be, woatu dziƒo nu, bena tsi magadza le woƒe nyagblɔdiŋkekeawo me o, eye ŋusẽ le wo si ɖe tɔwo dzi, be woatrɔ wo woazu ʋu, eye be woatsɔ fuwɔame tsyo ƒomevi aƒo anyigba la zi geɖe, alesi wolɔ̃.

Ewe 2014 (EƲEGBE BIBLIA)

Ŋusẽ le wo si be esime wole gbeƒã ɖem Mawu ƒe gbedeasi la, woaxe dziƒo nu be tsi magadza o. Wokpɔ ŋusẽ ɖe tsiwo hã dzi be woatrɔ wo woazu ʋu, eye be woahe fuwɔame ɖe sia ɖe ƒomevi ava anyigba dzi, edziedzi abe ale si wodi la ene.

Ewe BEV (Agbenya La) 2006

Ŋutsu siawo la, ŋusẽ le wo si be woatu dziŋgɔlĩ ale be tsi magadza le ɣeyiɣi si me wole nya gblɔm ɖi o, ŋusẽ le wo si be woatrɔ tsiwo woazu ʋu eye woada dɔvɔ̃ ƒomevi vovovowo ɖe anyigba dzi zigbɔzi ale si wolɔ̃.