Romans 2:15 — Compare Translations

Ewe (Agbenya La) 2020

togbɔ be se mele wo si o be woŋlɔ nu si se la bia la ɖe woƒe dziwo me, woƒe dzitsinya hã ɖia ɖase, eye ɣe aɖewo ɣi la, woƒe tamesusu hã bua fɔ wo, eye wòʋlia wo ta ɣe bubu ɣi.)

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

abe amesiwo fia bene, woŋlɔ se la ƒe dɔwɔwɔ ɖe woƒe dziwo me la ene, eye woƒe dzitsinya hã ɖia ɖase hekpena ɖe eŋu, eye woƒe tamebubuwo nɔa wo nɔewo nu tsom, alo wonɔa wo nɔewo nu ɖem hã,

Ewe 2014 (EƲEGBE BIBLIA)

Ale si wowɔa nu ɖe se nui la ɖenɛ fiana be Mawu ŋlɔ se la ɖe woƒe dzime. Nenema ke woƒe dzitsinya hã ɖia ɖase na wo tso esia ŋuti, elabe ɣe aɖewo ɣi la, woƒe tamesusu bua fɔ wo, eye ɣe aɖewo ɣi hã ebua wo be wole dzɔdzɔe.

Ewe BEV (Agbenya La) 2006

elabena wofia be woŋlɔ se la ƒe nyawo ɖe woƒe dziwo me, woƒe dzitsinya hã ɖia ɖase eye woƒe tamesusu hã tsoa wo nu ɣeaɖewoɣi eye wòɖea wo nu ɣebubuɣi.