Romans 4:16 — Compare Translations

Ewe (Agbenya La) 2020

Eya ta ŋugbedodo la vana to xɔse me be wòanye amenuveve, eye wòanye Abraham ƒe dzidzimeviwo katã, menye ame siwo le se la te ɖeɖe ko o, ke boŋ ame siwo si xɔse le abe Abraham ene. Eyae nye mí katã fofo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eyata xɔse me wòtso, bene wòanye le amenuveve nu, bene ŋugbedodo nali zã na ƒome sia ƒome, menye amesiwo tso sea me ɖeɖeko o, hafi amesiwo tso Abraham ƒe xɔse me hã, amesi nye mí katã mia fofo la,

Ewe 2014 (EƲEGBE BIBLIA)

Le esia ta la, xɔse dzie ŋugbedodo la tsi tsitre ɖo, ale be nu si ŋugbe wodo la va zu nu si Mawu ve mía nu hetsɔ na mí, ame siwo katã nye Abraham ƒe dzidzimeviwo la faa. Menye ame siwo wɔa sea dzi la ɖeɖe koe wòli na o, ke boŋ eli na ame siwo katã xɔ se la hã abe ale si Abraham xɔ se ene, elabe Abraham ye nye mí ame siwo katã xɔ se la tɔ́.

Ewe BEV (Agbenya La) 2006

Eya ta wonaa Mawu ƒe yayrawo mí to xɔse me abe nunana fexexemanɔŋu ene. Kakaɖedzi li be míaxɔ nunana siawo ne míelé Yudatɔwo ƒe kɔnyinyiwo me ɖe asi loo alo míelé wo me ɖe asi o, ne xɔse le mía si abe Abraham ene ko. Elabena Abraham nye mí katã fofo le xɔse ƒe nya gome.