Romans 5:18 — Compare Translations

Ewe (Agbenya La) 2020

Eya ta ale si to vodada ɖeka me fɔbubu va amewo katã dzi la, nenema ke agbe ƒe afiatsotso va na amewo katã to nu dzɔdzɔe ɖeka wɔwɔ me.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eyata azɔ alesi to vodada ɖeka me fɔbubu va amewo katã dzi la, nenema ke to nu dzɔdzɔe wɔwɔ ɖeka me agbe ƒe afiatsotsoname hã va amewo katã dzi.

Ewe 2014 (EƲEGBE BIBLIA)

Ale, abe ale si ame ɖeka ƒe nuvɔ̃, si wòwɔ na be wobu fɔ amewo katã be wo tɔ medzɔ o ene la, nenema ke ame ɖeka aɖe ƒe nu dzɔdzɔe si wòwɔ la, na be wodo ɣé na amewo katã be wo tɔ dzɔ, eye woxɔ wo ɖe agbe.

Ewe BEV (Agbenya La) 2006

Nyateƒe, Adam ƒe nu vɔ̃ he tohehe vɛ na ame sia ame, ke Kristo ƒe dzɔdzɔenyenye dzra Mawu kple amewo dome ɖo ale be woate ŋu anɔ agbe.