Zechariah 5:3 — Compare Translations

Ewe (Agbenya La) 2020

Eye wògblɔ nam be, “Agbalẽ siae nye fiƒode si le tsatsam le anyigba la katã dzi. Agbalẽ la ƒe akpa ɖeka le gbɔgblɔm be woaɖe fiafitɔ ɖe sia ɖe ɖa, eye akpa evelia le gbɔgblɔm be, ame sia ame si kaa atam dzodzro la, woaɖee ɖa.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye wògblɔ nam hena: Esia nye fiƒode, si le anyigba blibo la dzi yim; elabena fiafitɔwo katã tsi tomahemahe, eye atam dzodzro kalawo katã tsi tomahemahe.

Ewe 2014 (EƲEGBE BIBLIA)

Tete wògblɔ nam be: “Woŋlɔ ale si woƒo fi de anyigba bliboa la ɖe edzi, elabe fiafi ɖe sia ɖe atsrɔ̃ le anyigba la dzi le eƒe ŋɔŋlɔa nu, eye atam dzodzro kala ɖe sia ɖe atsrɔ̃ le eƒe ŋɔŋlɔa nu.