Song of Solomon 6

Basque (EAB) 2008 (Elizen Arteko Biblia (Biblia en Euskara, Traducción Interconfesional))

← Chapter 5 Jump to: Chapter 7 →

1Oi emakumerik ederren, nora joan zaizu maitea? Norantz abiatu da? Zurekin nahi dugu bila joan.

2Ene maitea bere baratzera jaitsi da, lurringai-alorretara, baratzea zaintzera, liliak biltzera.

3Nirea da maitea eta ni harena, lilizainarena.

4Bai ederra zu, ene laztana, Tirtza hiria bezain ederra, Jerusalem bezain zoragarria, izartegia bezain izugarria!

5Ken niregandik begi horiek, zoratu egiten naute. Zure adats-kizkurrak ahuntz-taldea dirudi, Galaad mendian behera bilintzi-balantza.

6Zure hortzak ardi moztu eta garbitu berriak. Denak dituzu biritxiak, bat bera ere ez lagunik gabea.

7Zure masailak granada ebaki baten bi erdiak, musu-estalkipean.

8Izan ditzala erregeak hirurogei emazte, laurogei ohaide, nahi beste neska gazte.

9Bat bakarra da nire usoa, bakarra eta akatsik gabea, amaren kutuna. Zoriontsu diotse neskatxek ikustean, erreginek eta ohaideek honela goraipatzen:

10Nor da emazteki hori? Nor egunsentia bezala sortzen den hori, ilargia bezain eder, eguzkia bezain argi, izartegia bezain izugarri?

11Neure intxaurdira jaitsi naiz, ibarretako landaretza ikustera, mahastiak kimuberritzen, granadondoak loratzen ikustera.

12Baina ni ez naiz jadanik lehengoa, ohorezko tokian jarri nauzu eta.

← Chapter 5 Jump to: Chapter 7 →