1 Corinthians 11:2 — Compare Translations

Fulfulde Adamawa Bible

Mi ɗon mana on ngam on ɗon ciftorammi foroy, on ɗon tokko ekkitinol ngol mi ekkitini on boo.

Fulfulde Bible (Aadi Keyri: Linjiila Iisaa Almasiihu)

Miɗo yetta on ko micciti-ɗon kam e huunde fuu koo, e ko njokku-ɗon waajuuji ɗi mbaajii-mi on ɗii koo.

Fulfulde Bible (Alkawal Kesal) Central Eastern Niger

Emi mana on gam on kiimtoo yam nder koo ɗume fuu, eɗon tokki ekkitinol ngol ekkitinmi on.

Fulfulde Bible (Borgu Benin)

Mii yetta on gam oon ciwtorammi wakkati fu, e kade bo gam oon joggii ekkitinooje hande no ekkitinirmi on.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

اٜ مِ مَنَعٛنْ نغَمْ اٛنْ نغٜجِّتَايِيَمْ ندٜرْ کٛو طُمٜ، ندٜنْ اٛنْ تٛکَّ اٜکِّتِنٛلْ نغٛلْ اٜکِّتِنْمِعٛنْ؞

Fulfulde Bible (Caka Nigeria) 2010

E mi mana'on ngam on ngejjitaayiyam nder koo ɗume, nden on tokka ekkitinol ngol ekkitinmi'on.

Fulfulde Bible (Dewtere Laamɗo Amaana Keso) (Burkina Faso)

Miɗo yetta on ko miccitiɗon kam e huunde fuu, e ko njokkuɗon al'aadaaji ɗi kollumi on ɗiin.

Fulfulde Bible (Dewtere Laamɗo Fulfulde Burkina Faso)

Miɗo yetta on ko miccitiɗon kam e huunde fuu, e ko njokkuɗon al'aadaaji ɗi kollumi on ɗiin.

Fulfulde Bible (Western Niger)

Miɗo yetta on ngam oɗon miccitoo he am nder ko ngatton fuu. Oɗon njogii duu ekkintinol ngol ekkitinmi on.