1 Corinthians 16:1 — Compare Translations

Fulfulde Adamawa Bible

Ko laarani ceede mooɓteteeɗe ngam wallugo senaaɓe haa Urusaliima, mbaɗe onon boo bana no umrumi jama'aaje nuɗɗinɓe nder Galaatiya.

Fulfulde Bible (Aadi Keyri: Linjiila Iisaa Almasiihu)

Jooni kaa, haala ballal mon faade e seniiɓe wonɓe ngalluure Urusaliima ɓee, onon duu ngaɗon no njamir-mi deente goonɗinɓe gonɗe leydi Galaatiya ɗee nii.

Fulfulde Bible (Alkawal Kesal) Central Eastern Niger

Jo'oni emi yiɗi toontaago on dow haala hawritgo ceede gam yimɓe Allah wonɓe *Urusaliima. Mbaɗee noon no mbi'inoomi *ikiliisiyaaji gonɗi lesdi Galaatiya.

Fulfulde Bible (Borgu Benin)

Jooni, wallirgo goonɗinɓe wonɓe *Urusaliima e ceede nun batananmi. Onon bo gaɗee hande no batumi eklesiyaaji leydi Galaatiya.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

تٛو، جٛونِ دٛوْ حَوْرُتُکِ شٜىٰدٜ نغَمْ وَلُّکِ يِمْٻٜ اَللَّه غٛنْٻٜ اُرُشَلِيمَ، نغَطٜىٰ کٛ مبِيمِ تٛکُّٻٜ يٜىٰسُ ٻٜ غَلَاتِيَ نغَطَ؞

Fulfulde Bible (Caka Nigeria) 2010

Too, jooni dow hawrutuki ceede ngam walluki yimɓe Allah gonɓe Urucaliima, ngaɗee ko mbiimi tokkuɓe Yeesu ɓe Galaatiya ngaɗa.

Fulfulde Bible (Dewtere Laamɗo Amaana Keso) (Burkina Faso)

Joonin en ndaaran kabaaru hawrundurgol ceede faa walla seniiɓe wonɓe Urusaliima ɓeen. Ngaɗon ko njamirmi kawrite goonɗinɓe gonɗe leydi Galaatiya ɗeen.

Fulfulde Bible (Dewtere Laamɗo Fulfulde Burkina Faso)

Joonin en ndaaran kabaaru hawrundurgol ceede faa walla seniiɓe wonɓe Urusaliima ɓeen. Ngaɗon ko njamirmi kawrite goonɗinɓe gonɗe leydi Galaatiya ɗeen.

Fulfulde Bible (Western Niger)

Joonin, har ko daarata kawrol ceede ngam wallude himɓe Alla wonɓe *Ursaliima, ngaɗee ko ƴamumi tokkuɓe Iisa wonɓe Galatiya ngaɗa.