Acts 1:3 — Compare Translations

Fulfulde Adamawa Bible

Ɓaawo boneeji ɗi o yari, o waŋgani ɓe o geeto fakat bee alaamaaji ɗuuɗɗi laaɓɗi. Baakin nyalɗe cappanɗe nayi, ɓe ngi'i mo, ɓe mbolidi haala laamu Allah.

Fulfulde Bible (Aadi Keyri: Linjiila Iisaa Almasiihu)

Caggal nde o torraa ndee, o ɓannginani ɓe hoore makko, o hollirii ɓe e daliilaaji keewɗi omo wuuri. O wondi e maɓɓe balɗe capanɗe nay, omo waajoo ɓe haala Laamu Laamɗo.

Fulfulde Bible (Alkawal Kesal) Central Eastern Niger

Ɓaawo o torraama o waraama, sey o ummitii o vannginani ɓe hoore ma'ako. Kadimaa gada e alaamaaji ɗuuɗɗi o holli ɓe emo foofa. O waɗi balɗe arba'iin (40) emo vanngana ɓe, emo ekkitina ɓe dow *laamu Allah.

Fulfulde Bible (Borgu Benin)

O wirnitanii ɓe hoore makko ɓaawo o tooraa, o hollitii ɓe e laabi ɗuuɗɗi oo wuuri. O wirnitanii ɓe hoore makko balɗe lasoy ɗiɗi, oo waajoo ɓe haala *Laamaare Alla.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

غَطَ اٛ تٛرَّامَ اٛ وَرَامَ، اٛ اُمِّي دَغَ مَيْدٜ اٛ وَنْغَنِٻٜ؞ اٜ طَتٜ طُطّٜ اٛ حٛلِّٻٜ اٜ مٛ فٛوفَ؞ اٛ وَطِي بَلْطٜ 40 اٜ مٛ وَنْغَنَٻٜ، اٜ مٛ اٜکِّتِنَٻٜ دٛوْ لَامُ اَللَّه؞

Fulfulde Bible (Caka Nigeria) 2010

Gaɗa o torraama o waraama, o ummii daga mayde o wanganiɓe. E ɗate ɗuɗɗe o holliɓe e mo foofa. O waɗii balɗe 40 e mo wanganaɓe, e mo ekkitinaɓe dow Laamu Allah.

Fulfulde Bible (Dewtere Laamɗo Amaana Keso) (Burkina Faso)

Caggal nde o torranoo ndeen, o hollitii ɓe hoore makko. O hollirii ɓe e daliiliiji keewɗi imo wuuri. O wondi e maɓɓe balɗe capanɗe nay, imo haalana ɓe kabaaru laamu Laamɗo.

Fulfulde Bible (Dewtere Laamɗo Fulfulde Burkina Faso)

Caggal nde o torranoo ndeen, o hollitii ɓe hoore makko. O hollirii ɓe e daliiliiji keewɗi imo wuuri. O wondi e maɓɓe balɗe 40, imo haalana ɓe kabaaru laamu Laamɗo.

Fulfulde Bible (Western Niger)

Gaɗa torraaji makko, he maayde makko, nder alamaaji ɗuɗɗi tabbintinooji ummitaaki makko o wanngani ɓe, omo wuuri. Omo haalda he maɓɓe dow Laamu Alla duu. O waɗi ɗum, ɗum fuu, nder balɗe lasooji ɗiɗi.