Acts 10:42 — Compare Translations

Fulfulde Adamawa Bible

O umri min min ngaazina ummaatoore, min ceedo kaŋko woni mo Allah darni ngam hiitaago yeeɗɓe e maayɓe.

Fulfulde Bible (Aadi Keyri: Linjiila Iisaa Almasiihu)

O yamirii min mbaajoo yimɓe, min ceettoo kanko woni mo Laamɗo waɗi caranoowo wuurɓe e maayɓe.

Fulfulde Bible (Alkawal Kesal) Central Eastern Niger

O vi'i min, min ekkitina yimɓe, min caaydina kanko woni mo Allah waɗi cernanoowo ɓe yonki e maayɓe.

Fulfulde Bible (Borgu Benin)

O yowanii men men baajoo himɓe, men ceedoo kanko woni mo Alla waɗi hiitoo wuuruɓe e maayɓe.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

اٛ وِعِمِنْ مِنْ نغَعَجِنَنَ يِمْٻٜ، مِنْ تَبِّتِنَنَٻٜ يٜىٰسُ وٛنِ مٛ اَللَّه وَرْتِرِ کِيتٛتٛوطٛ مَيْٻٜ اٜ ٻٜ يٛنْکِ؞

Fulfulde Bible (Caka Nigeria) 2010

O wi'imin min nga'ajinana yimɓe, min tabbitinanaɓe Yeesu woni mo Allah wartiri kiitotooɗo mayɓe e ɓe yonki.

Fulfulde Bible (Dewtere Laamɗo Amaana Keso) (Burkina Faso)

O yamirii min mbaajoo yimɓe, min ceedoo kanko woni mo Laamɗo waɗi carotooɗo wuurɓe e maayɓe.

Fulfulde Bible (Dewtere Laamɗo Fulfulde Burkina Faso)

O yamirii min mbaajoo yimɓe, min ceedoo kanko woni mo Laamɗo waɗi carotooɗo wuurɓe e maayɓe.

Fulfulde Bible (Western Niger)

O wi'i min duu, min mbaajoo himɓe, min kolla ɓe ko kanko Alla suɓii waɗi kiitotooɗo wuurɓe he maayɓe.