Acts 7:51 — Compare Translations

Fulfulde Adamawa Bible

Onon saata-ko'e'en, on nanataa haala Allah sam! On cali nanango Ruuhu Ceniiɗo bana kaakiraaɓe mon!

Fulfulde Bible (Aadi Keyri: Linjiila Iisaa Almasiihu)

Eciyen jokkini hen, wii: —Onon tiiɗuɓe ko'e, yoorɓe ɓerɗe, pahinkiniiɓe, abada oɗon calanii Ruuhu Ceniiɗo oo hono no njaatiraaɓe mooɗon ɓee nii.

Fulfulde Bible (Alkawal Kesal) Central Eastern Niger

Istefaanus ɓesdi vi'igo : — Onon yo'ora-ko'e'en, ɓe ɓerɗe keefeere, ɓe noppi caliiɗi nango haala Allah. Dum eɗon kaɓa e *Ruhu Ceniiɗo kama no maamiraaɓe mooɗon kaɓruno.

Fulfulde Bible (Borgu Benin)

Onon turtooɓe, ɓe ɓerɗe joorɗe e taaɗuɓe noppi, wakkati fu oon caloo nanango *Ruuhu Ceniiɗo. On laati nun hande kaakiraaɓe mooɗon.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

اِسْتِفَانُسْ ٻٜيْدِ مٜتُکِ، وِعِ، ‏«‏اٛنٛنْ ٻٜ کٛعٜ شَاتُطٜ ٻٜ ٻٜرْطٜ کٜىٰفٜرْطٜ، ٻٜ نٛڤِّ غَݧُطِ نَنُکِ حَالَ جٛومِرَاوٛ!‏ کٛو ندٜيٜ اٛنْ کَٻْدَ اٜ رُوحُ اَللَّه نٛنْ نٛ مَامَعٜنْ مٛوطٛنْ نغَطُنٛو؞

Fulfulde Bible (Caka Nigeria) 2010

Istifaanus ɓeydi metuki, wi'i, “Onon ɓe ko'e caatuɗe ɓe ɓerɗe keeferɗe, ɓe noppi ganyuɗi nanuki haala Joomiraawo! Koo ndeye on kaɓda e Ruuhu Allah non no maama'en mooɗon ngaɗunoo.

Fulfulde Bible (Dewtere Laamɗo Amaana Keso) (Burkina Faso)

Etiyen ɓeydi katin, wi'i: —Onon sattuɓe, yoorɓe ɓerɗe, faaɗinkiniiɓe! Abada on celaay salanaade Ruuhu Ceniiɗo! On laatake hono maamiraaɓe mooɗon ɓeen ni.

Fulfulde Bible (Dewtere Laamɗo Fulfulde Burkina Faso)

Etiyen ɓeydi katin, wi'i: — Onon sattuɓe, yoorɓe ɓerɗe, faaɗinkiniiɓe! Abada on celaay salanaade Ruuhu Ceniiɗo! On laatake hono maamiraaɓe mooɗon ɓeen ni.

Fulfulde Bible (Western Niger)

—Onon tiɓɓe-nyiireeɓe, ɓe ɓerɗe mum'en tottiti Alla, ɓe noppi mum'en cukki. Wakkati fuu oɗon caloo *Ruuhu Ceniiɗo, onon he maamiraaɓe mooɗon on fuu on go'o.