Ephesians 1:12 — Compare Translations

Fulfulde Adamawa Bible

O waɗi ɗum ngam haa min maŋgta tedduŋgal maako, minin aartuɓe tammoraago Almasiihu.

Fulfulde Bible (Alkawal Kesal) Central Eastern Niger

O waɗii ɗum gam faa enen aartuɓe resgo tammunde mu''en dow Almasiifu maalten teddungal ma'ako.

Fulfulde Bible (Borgu Benin)

gam maanten Alla, teddinen mo, enen artaaɓe suɓaa, watti hoolaare mum dow Almasiihu.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

اٛ وَطُ نٛنْ نغَمْ اٜنٜنْ، اَرْتُٻٜ نغَطِ ٻٜرْطٜ دٛوْ اَلْمَسِيحُ، نغَطٜنْ جٛنْدٜ مَنْتُکِ تٜدُّنغَلْ اَللَّه؞

Fulfulde Bible (Caka Nigeria) 2010

O waɗu non ngam enen, artuɓe ngaɗi ɓerɗe dow Almasiihu, ngaɗen jonde mantuki teddungal Allah.

Fulfulde Bible (Dewtere Laamɗo Amaana Keso) (Burkina Faso)

Noon waɗata faa laatoɗen sabaabu mawninoowo teddeengal muuɗum, enen artuɓe yowude jikke men e Almasiihu ɓeen.

Fulfulde Bible (Dewtere Laamɗo Fulfulde Burkina Faso)

Noon waɗata faa laatoɗen sabaabu mawninoowo teddeengal muuɗum, enen artuɓe yowude jikke men e Almasiihu ɓeen.

Fulfulde Bible (Western Niger)

Ndenne, enen artuɓe ngatti tammude mum'en fuu he *Almasiihu, en njetta Alla teddinen mo.