Hebrews 11:27 — Compare Translations

Fulfulde Adamawa Bible

Bee nuɗɗinki, Muusa hulaay tikkere laamiiɗo, ammaa o wurti Misra. O dimmbaaki sam, bana o laari Allah mo yi'ataake.

Fulfulde Bible (Aadi Keyri: Linjiila Iisaa Almasiihu)

Saabe goonɗinal, o yaltiri leydi Misira tawi o hulaali tikkere kaananke oo, o fellisi yaade hono omo yiya Laamɗo mo yiyataake oo nii.

Fulfulde Bible (Alkawal Kesal) Central Eastern Niger

Muusa goonɗinii Allah, kanjum waɗi o vurtii lesdi Misira, o hulaay huunƴere laamiiɗo. O darii e semmbee kama gi'oowo Allah mo yi'ataake.

Fulfulde Bible (Borgu Benin)

Diga e goonɗinki o wurtori leydi Misira, o hulay mone laamiiɗo. O darii e semme, hande oo yi'a Alla mo yi'ataake.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

نغَمْ مُوسَ اٜ حٛولِي اَللَّه وَطِ اٛ اَلِ لٜيْدِ مَسَرْ، اٛ حُلَايِ مٛنّٜرٜ لَامِيطٛ لٜيْدِ ندِنْ؞ اٛ وَݧِ اٛ سٛعّٛ نغَمْ اٛ يِعِي اَللَّه مٛ يِعَتَاکٜ؞

Fulfulde Bible (Caka Nigeria) 2010

Ngam Muusa e hoolii Allah waɗi o ali leydi Masar, o hulaayi monnere laamiiɗo leydi ndin. O wanyi o so''o ngam o yi'ii Allah mo yi'ataake.

Fulfulde Bible (Dewtere Laamɗo Amaana Keso) (Burkina Faso)

Saabe goonɗinal, o yaltiri leydi Misira tawi o hulaay tikkere kaananke oon. O siini yahude hono imo yi'a Laamɗo mo yi'ataake oon ni.

Fulfulde Bible (Dewtere Laamɗo Fulfulde Burkina Faso)

Saabe goonɗinal, o yaltiri leydi Misira tawi o hulaay tikkere kaananke oon. O siini yahude hono imo yi'a Laamɗo mo yi'ataake oon ni.

Fulfulde Bible (Western Niger)

*Muusa, ngam goonɗinii Alla waɗi o hulaay tikkere laamiiɗo Misira, o dilli Misira. O darii nokkuure worre, hakkillo makko no fukkii hano neɗɗo gi'uɗo Alla mo neɗɗo fuu hi'aay.