Luke 20:17 — Compare Translations

Fulfulde Adamawa Bible

Ammaa Yeesu suti ɓe, wi'i: “Ɗume binndaaɗum ɗu'um yiɗi wi'go? Hayre nde mahooɓe ngudini, laati hayre talkumoore ɓurnde saman.

Fulfulde Bible (Aadi Keyri: Linjiila Iisaa Almasiihu)

Iisaa ƴeewi ɓe, wii: —Ndennoo, koɗum woni maanaa ko winndii koo: «Haayre nde mahooɓe ɓee tippitii ndee, kaɲum laatii haayre ɓurnde fuu teentilaade e maadi ndii»?

Fulfulde Bible (Alkawal Kesal) Central Eastern Niger

Yeesu raari ɓe vi'i : — Ɗume woni ma'ana ko nde'e aayaare vi'i : Haayre nde mahooɓe kibini, kayre laatii haayre ɓurnde jogaago mahadi.

Fulfulde Bible (Borgu Benin)

Amma Yeesu daari ɓe wi'i: «Ume nun haala binni nii ɗo fillitii? Hayre ne mahooɓe woppi, kayre nun laatii jogiine maadi.»

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

اَمَّا يٜىٰسُ رَارِٻٜ وِعِ، ‏«‏تٛو، کٛ وٛنِ مَعَنَ اَايَارٜ بِعُندٜ:‏ ‏‹‏حَيْرٜ ندٜ مَحٛوٻٜ نغَݧِ، کَيْرٜ وَرْتِ حَيْرٜ ٻُرْندٜ دَرْنُکِ مَادِ؟›‏

Fulfulde Bible (Caka Nigeria) 2010

Ammaa Yeesu raariɓe wi'i, “Too, ko woni ma'ana aayaare bi'unde: ‘Hayre nde mahooɓe nganyi, kayre warti hayre ɓurnde darnuki maadi?’

Fulfulde Bible (Dewtere Laamɗo Amaana Keso) (Burkina Faso)

Iisaa ndaari ɓe, wi'i: —Ndelle, ɗume woni maanaa ko winndaa ɗuum: «Hayre nde nyiɓooɓe ɓeen calii ndeen, wo kayre laatii hoore nyimngo ngoon»?

Fulfulde Bible (Dewtere Laamɗo Fulfulde Burkina Faso)

Iisaa ndaari ɓe, wi'i: — Ndelle, ɗume woni maanaa ko winndaa ɗuum: «Hayre nde nyiɓooɓe ɓeen calii ndeen, wo kayre laatii hoore nyimngo ngoon»?

Fulfulde Bible (Western Niger)

Iisa ƴeewi ɓe, wi'i : —Ndenne, ɗume woni maana ko winndaa nder dewte ɗeen, wi'aa : Hayre nde nyiɓooɓe ɓeen mboppi ndeen, kayre laatii hoore nyibdi ndiin.