Luke 23:2 — Compare Translations
9 translations compared side by side
Fulfulde Adamawa Bible
Ɓe puɗɗi wullaago mo, ɓe mbi'i: “Min tawi gorko oo ɗon ummina tuurtol caka ummaatoore amin, o ɗon haɗa yimɓe yoɓugo garaama haa Kaysara, o ɗon wi'a boo kaŋko woni Almasiihu, laamiiɗo.”
Fulfulde Bible (Aadi Keyri: Linjiila Iisaa Almasiihu)
Ɓe ndarii eɓe ngullanoo mo, eɓe mbiya: —Min tawii oo ana jirkita leɲol amen, ana haɗa ɗum yoɓude kaananke Roma oo lampo, ana wiya hoore mum yo Almasiihu, ɗum woni kaananke.
Fulfulde Bible (Alkawal Kesal) Central Eastern Niger
Ɓe puɗɗi wullaago mo, eɓe mbi'a : — Min tawii o'o neɗɗo e jiɓa lenyol amin. Emo haɗa ɓe biyaago laamiiɗo *Rooma janngal, emo vi'a hoore ma'ako o Almasiifu, laamiiɗo.
Fulfulde Bible (Borgu Benin)
Ɓe janti ɓee gaccoo mo ɓee bi'a: «Men tawii neɗɗo oo, e laawa himɓe amen, oo haɗa ɓe to ɓe joɓu laamiiɗo Roma ceede faada, go oo wi'a kanko nun laatii *Almasiihu laamiiɗo.»
Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)
ٻٜ ڤُطِّ وُلَّاکِمٛ، اٜ ٻٜ مبِعَ، «مِنْ تَوِي نٜطّٛ اٛعٛ اٜ مَجِّنَ لٜݧٛلْ اَمِنْ؞ اٜ مٛ حَطَ طُمْ يٛٻَ کَيْسَرْ مَوْطٛ لَامِيٻٜ شٜىٰدٜ لٜيْدِ، ندٜنْ اٜ مٛ وِعَ وَيْ کَنْکٛ وٛنِ اَلْمَسِيحُ، لَامِيطٛ؞»
Fulfulde Bible (Caka Nigeria) 2010
Ɓe puɗɗi wullaakimo, e ɓe mbi'a, “Min tawii neɗɗo o'o e majjina lenyol amin. E mo haɗa ɗum yoɓa Kaysar Mawɗo Laamiiɓe ceede leydi, nden e mo wi'a way kanko woni Almasiihu, laamiiɗo.”
Fulfulde Bible (Dewtere Laamɗo Amaana Keso) (Burkina Faso)
Ɓe puɗɗi iɓe pela mo, iɓe mbi'a: —Gorko o min tawi ina wosina lenyol amin, ina haɗa ɗum'en yoɓude kaananke mawɗo oon lampo, ina wi'a hoore muuɗum wo Almasiihu, kaananke.
Fulfulde Bible (Dewtere Laamɗo Fulfulde Burkina Faso)
Ɓe puɗɗi iɓe pela mo, iɓe mbi'a: — Gorko o min tawi ina wosina lenyol amin, ina haɗa ɗum'en yoɓude kaananke mawɗo oon lampo, ina wi'a hoore muuɗum wo Almasiihu, kaananke.
Fulfulde Bible (Western Niger)
Ɓe puɗɗi iɓe tuuma mo, iɓe mbi'a : —Min tawi neɗɗo oo no majjina lenyol amin, no haɗa laamiiɗo *Rooma mawɗo hokkee janngal. Omo wi'a hoore makko kee, kam woni *Almasiihu, laamiiɗo.