Mark 10:2 — Compare Translations

Fulfulde Adamawa Bible

Farisa'en woɗɓe ngari haa maako ngam jarribaago mo. Ɓe ƴami mo: “Tawreeta duŋanake gorko seera debbo mum na?”

Fulfulde Bible (Aadi Keyri: Linjiila Iisaa Almasiihu)

Yoga e Farisa'en ngari faa itta koro makko, lamndii mo: —Tama ana daganii gorko seerde jom suudu mum?

Fulfulde Bible (Alkawal Kesal) Central Eastern Niger

Sey woɓɓe *Fariisa'en ngari to ma'ako, gam ɓe nanngira mo haala, ɓe ƴami mo ɓe mbi'i : — E giiɗe maaɗa, *Tawreeta hokkii neɗɗo laawol seergo debbo muuɗum naa ?

Fulfulde Bible (Borgu Benin)

Woɓɓe caka *Farisaaɓe wari gam jarboo mo, ƴami mo: «Gorko e woodi laawol seera debbo mum na?»

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

سٜيْ وٛٻّٜ فَارِسَنْکٛعٜنْ نغَرِ تٛ مَاکٛ نغَمْ ٻٜ ڤٛوندَمٛ، ٻٜ پَمِمٛ ٻٜ مبِعِ، ‏«‏اٜ يِيکِ مَاطَ اَتَّوْرَ اَلِي نٜطّٛ يٛوفَ دٜبّٛ مُوطُمْ؟»‏

Fulfulde Bible (Caka Nigeria) 2010

Sey woɓɓe Faarisanko'en ngari to maako ngam ɓe poondamo, ɓe ƴamimo ɓe mbi'i, “E yiiki maaɗa Attawra alii neɗɗo yoofa debbo muuɗum?”

Fulfulde Bible (Dewtere Laamɗo Amaana Keso) (Burkina Faso)

Farisa'en woɓɓe ngari faa ndaartindoo mo, ƴami mo: —Yalla ina daganii gorko seerude deekum naa?

Fulfulde Bible (Dewtere Laamɗo Fulfulde Burkina Faso)

Farisa'en woɓɓe ngari faa ndaartindoo mo, ƴami mo: — Yalla ina daganii gorko seerude deekum naa?

Fulfulde Bible (Western Niger)

Sey Fariisa'en gom ngari to makko faa tunna mo, nden ɓe ƴami mo, ɓe mbi'i : —No daganii gorko seera deekum naa dagaaki ?