Matthew 10:42 — Compare Translations

Fulfulde Adamawa Bible

Gooŋga mbi'anmi on: Koo moy hokki koo ndiyam peewɗam nder jardugel haa ɓurɗo leesugo caka pukara'en am ɓe'e ngam o pukaraajo am, heɓan mbarjaari muuɗum fakat.”

Fulfulde Bible (Aadi Keyri: Linjiila Iisaa Almasiihu)

Miɗo haalana on goonga: neɗɗo fuu dokkuɗo ɓurɗo famɗude e taalibaaɓe am ɓee fay so horde loonde ndiyam ɓuuɓuɗam tan saabe o taalibbo am, o waasataa heɓude mbarjaari makko.

Fulfulde Bible (Alkawal Kesal) Central Eastern Niger

Emi vi'a on goonga : koo moye hokki go'oto nder ɓurɓe famɗugo ɓe'e jardugel ndiyam peewɗam gam o almaajiriijo am, o heppataa laada ma'ako.

Fulfulde Bible (Borgu Benin)

E gooŋa batanmi on, kokkuɗo ɓurɗo faanɗugo caka aahiiɓe am, diyam peewɗam, baa der jarirgel gootel, gam oo aahiijo am, o dullataa riiba makko.»

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

کٛو مٛيٜ کٛکُّطٛ ٻُرْطٛ فَمْطُکِ ندٜرْ تٛکُّٻٜيَمْ ٻٜعٜ کٛو ندِيَمْ ڤٜوْطَمْ ندٜرْ جَرْدُغٜلْ نغَمْ اٛ تٛکُّطٛيَمْ، اٜ مِ وِعَعٛنْ غٛونغَ، اٛ دُلَّتَا حٜٻُکِ مبَرْجَارِ؞»‏

Fulfulde Bible (Caka Nigeria) 2010

Koo moye kokkuɗo ɓurɗo famɗuki nder tokkuɓeyam ɓe'e koo ndiyam pewɗam nder jardugel ngam o tokkuɗoyam, e mi wi'a'on goonga, o dullataa heɓuki mbarjaari.”

Fulfulde Bible (Dewtere Laamɗo Amaana Keso) (Burkina Faso)

Goonga kaalanammi on: neɗɗo fuu kokkuɗo ɓurɗo famɗude e taalibaaɓe am fay horde-loonde ndiyam peewɗam saabe wo o taalibaajo am fu, waasataa heɓude mbarjaari muuɗum.

Fulfulde Bible (Dewtere Laamɗo Fulfulde Burkina Faso)

Goonga kaalanammi on: neɗɗo fuu kokkuɗo ɓurɗo famɗude e taalibaaɓe am fay horde-loonde ndiyam peewɗam saabe wo o taalibaajo am fu, waasataa heɓude mbarjaari muuɗum.

Fulfulde Bible (Western Niger)

Goonga kaalananmi on : Neɗɗo fuu kokkuɗo ɓurɗo famɗude nder *aahiiɓe am, baa nii laatoo nyeɗerde ndiyam peewɗam non ngam o aahiijo am, joomum heppataa baraaje muuɗum.