Matthew 21:34 — Compare Translations

Fulfulde Adamawa Bible

Nde saa'i teɓugo inabooje waɗi, o neli jaggiiɓe maako haa remooɓe go ngam ɓe njaɓana mo inabooje ngesa maako.

Fulfulde Bible (Aadi Keyri: Linjiila Iisaa Almasiihu)

Faa teɓugol peguuje yottii, o neli gollooɓe makko to remooɓe ɓee too, ɓe ngaddanoya mo ngeɗu makko e ɓiɓɓe peguuje ɗee.

Fulfulde Bible (Alkawal Kesal) Central Eastern Niger

Nde wakkaci teɓol ɓikkon innabooje wari, o liloyi maccuɓe ma'ako to remooɓe ɓeen, ɓe njaɓana mo geɗal ma'ako nder ɓikkon innabooje.

Fulfulde Bible (Borgu Benin)

No wakkati ɓorugo innabooje yottii, o lili gollotooɓe makko to reeninaaɓe gesa, ɓe gaddanaa mo geɗu makko der ɓiɓɓe innabooje ɗen.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

ندٜ شَرٜلْ ٻٜنْدُکِ اِنَبٛوجٜ طٜنْ وَطِ، اٛ لِلِ مَشُّٻٜ مَاکٛ تٛ ٻٜ اٛ حٛکِّ نغٜسَ کَنْ نغَمْ ٻٜ نجَٻٛنٛيَمٛ کٛ ٻٜ نغَادُنٛ ندٜرْ کٛ ٻٜنْدِ؞

Fulfulde Bible (Caka Nigeria) 2010

Nde carel ɓenduki inabooje ɗen waɗi, o lili maccuɓe maako to ɓe o hokki ngesa kan ngam ɓe njaɓonoyamo ko ɓe ngaaduno nder ko ɓendi.

Fulfulde Bible (Dewtere Laamɗo Amaana Keso) (Burkina Faso)

Faa ɓoreede cabiije yottii, de o neli gollooɓe makko to remooɓe ɓeen toon, ɓe ngaddanowa mo ngeɗu makko e ɓiɓɓe cabiije ɗeen.

Fulfulde Bible (Dewtere Laamɗo Fulfulde Burkina Faso)

Faa ɓoreede cabiije yottii, de o neli gollooɓe makko to remooɓe ɓeen toon, ɓe ngaddanowa mo ngeɗu makko e ɓiɓɓe cabiije ɗeen.

Fulfulde Bible (Western Niger)

Wakkati teɓol cabiije ɗeen yottinoo, o lili gollooɓe makko gom to remooɓe ɓeen, ngam ɓe ngaddanowa ɗum mbaka mum nder ɓiɓɓe cabiije ɗeen.