Matthew 4:2 — Compare Translations

Fulfulde Adamawa Bible

Yeesu waɗi suumaye nyalawmaaje e jemmaaje cappanɗe nayi, nden o maati dolo.

Fulfulde Bible (Aadi Keyri: Linjiila Iisaa Almasiihu)

Iisaa ɲaamaali faa waɗi balɗe capanɗe nay jemma e ɲalooma. Caggal ɗum, o yolbi.

Fulfulde Bible (Alkawal Kesal) Central Eastern Niger

Yeesu waɗi balɗe arba'iin (40), emo suumii jemma e nyalawma. Sey veelo nanngi mo.

Fulfulde Bible (Borgu Benin)

O suumii nyaloomaaje lasoy ɗiɗi e jemmaaje lasoy ɗiɗi. Den, rafo waɗi mo.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

غَطَ يٜىٰسُ وَطِي بَلْطٜ 40 اٜ سُومٛو جٜمَّ اٜ ݧَلَوْمَ، وٜىٰلٛ نَنْغِمٛ؞

Fulfulde Bible (Caka Nigeria) 2010

Gaɗa Yeesu waɗii balɗe 40 e suumoo jemma e nyalawma, weelo nangimo.

Fulfulde Bible (Dewtere Laamɗo Amaana Keso) (Burkina Faso)

Iisaa waɗi balɗe capanɗe nay ina suumii jemma e nyalooma fuu. Caggal ɗuum, o yolbi.

Fulfulde Bible (Dewtere Laamɗo Fulfulde Burkina Faso)

Iisaa waɗi balɗe 40 ina suumii jemma e nyalooma fuu. Caggal ɗuum, o yolbi.

Fulfulde Bible (Western Niger)

Jemma he nyalooma faa ɗum waɗi balɗe lasooji ɗiɗi, Iisa no suumi, o rafaa.