Matthew 8:28 — Compare Translations

Fulfulde Adamawa Bible

Nde Yeesu yotti gaɗa weendu nder lesdi Gadarena'en, marɓe ginnaaji ɗiɗo ngurti genaale, potti bee maako. Ɓe hulniiɓe masin, walaa mo saalotono laawol man.

Fulfulde Bible (Aadi Keyri: Linjiila Iisaa Almasiihu)

Nde Iisaa lummbunoo so heetti e leydi Gadaren ndee, worɓe ɗiɗon laddaaɓe njalti ley janaale, kawri e makko. Eɓe ɲanngunoo faa fay gooto suusaano ƴaɓɓoraade laawol ngol.

Fulfulde Bible (Alkawal Kesal) Central Eastern Niger

Nde Yeesu yottii fonngo maayo lesdi Garaasankoo'en, worɓe ɗiɗo ɓe *ginnaaji mburtii nder genaale taɓɓii mo. Ɓe laatake hulniiɓe korey, faa walaa baawɗo tokkugo laawol ngool, gam kulol maɓɓe.

Fulfulde Bible (Borgu Benin)

Yeesu joli fonŋo maayo, yottii der leydi Gadarena. Ɗon worɓe ɗiɗo wooduɓe ginnaaji wurtii e caabeeje, fotti e makko. Ɓee kunnii puy, faa goɗɗo suusataa ko tokki laawol ŋol.

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

ندٜ يٜىٰسُ يٛتِّي فٛنْغٛ مبٜىٰلَ ندٜرْ لٜيْدِ غَارَسِنْکٛعٜنْ، سٜيْ وٛٻّٜ وٛرْٻٜ طِطٛ تَٻِّيمٛ، غٛودُٻٜ غِنِّ جٛوطٛتٛوٻٜ تٛ غٜنَالٜ؞ ٻٜ نغَرْتِي کٛ حُلْنِي نَاع سٜطَّ حَا مَا وَلَا بَاوَيْطٛ تٛکِّرَ لَاوٛلْ نغٛلْ طٛنْ!‏

Fulfulde Bible (Caka Nigeria) 2010

Nde Yeesu yottii fongo mbeela nder leydi Gaarasinko'en, sey woɓɓe worɓe ɗiɗo taɓɓiimo, gooduɓe ginni jooɗotooɓe to genaale. Ɓe ngartii ko hulnii naa' seɗɗa haa maa walaa baawayɗo tokkira laawol ngol ɗon!

Fulfulde Bible (Dewtere Laamɗo Amaana Keso) (Burkina Faso)

Nde Iisaa feƴƴitinnoo maayo fu, heetti e leydi yimɓe Gadara. Ɗoon worɓe ɗiɗo wonduɓe e ginnaaji njalti ley caabeeje, kawri e makko. Iɓe nyanngunoo faa fay gooto suusaano rewude laawol ngool.

Fulfulde Bible (Dewtere Laamɗo Fulfulde Burkina Faso)

Nde Iisaa feƴƴitinnoo maayo fu, heetti e leydi yimɓe Gadara. Ɗoon worɓe ɗiɗo wonduɓe e ginnaaji njalti ley caabeeje, kawri e makko. Iɓe nyanngunoo faa fay gooto suusaano rewude laawol ngool.

Fulfulde Bible (Western Niger)

Wakkati Iisa'en ummii, pedditi peta Galili, panndowi dow fonngo leydi Gadara, sey worɓe ɗiɗo ɓe ginnaaji ngonnoo dow mum'en mburtii nder annyeeje, potti he makko. Iɓe kulƴini sanne faa neɗɗo fuu suusaa tokkude laawol maɓɓe.